Собранието ги одложи двете закажани пленарни седници бидејќи дел од пратениците не се присутни поради службени патувања, информираат од кабинетот на претседателот на Собранието Талат Џафери. Ова значи дека денеска нема да се одржи ниту интерпелацијата за министерот за внатрешни Оливер Спасовски, која ја предложија пратеници од опозициската ВМРО-ДПМНЕ.
Собранието на продолжение на 86-та седница требаше да расправа за интерпелацијата на Спасовски, а беше закажана е и 88. седница на Парламентот, со расправа за Дополнетиот предлог закон за изменување и дополнување на Законот за судовите, во второ читање и дополнетите предлог закони за прекршоци и за управни спорови, исто така во второ читање.
Пратениците, меѓу останотото, на 86. требаше да расправаат и за предлог-законот за ратификација на Спогодбата меѓу Владата на Северна Македонија и Владата на Романија за соработка во областа на образование, наука, култура, мас-медиуми, млади и спорт, предлог законите за услуги, за тутун, производи од тутун и сродни производи, за слободен пристап до информации од јавен карактер, за акцизите, сите во прво читање.
Дел од дневниот ред беа и измените и дополнувањата на законите за јавен долг, за регистрирање на готовински плаќања, за ревизија, за вршење на сметководствени работи, за субвенционирање на станбен кредит, како и Предлог законот за прекинување на бременоста, во прво читање, Предлог законот за задолжување со заем кај Меѓународната банка за обнова и развој – Светска банка по Договорот за заем за финансирање на Проектот за олеснување на трговијата и транспортот во Западен Балкан.
Во Собранието беше закажана и 88. седница со расправа за Дополнетиот предлог закон за изменување и дополнување на Законот за судовите, во второ читање и дополнетите предлог закони за прекршоци и за управни спорови, исто така во второ читање
