Статусот на Косово според моделот „две Германии“!?

LinkSense.mk

Зад намерата на Западот за решавање на косовското прашање, чија понуда српскиот претседател Александар Вучиќ ја нарече „нова арматура на преговорите“ во Брисел, што треба да доведе до брзо и конечно решение на проблемите поврзани со Косово, може да се крие моделот „две Германии“, односно барањето Белград да прифати постоење на држава, но официјално да не ја признае независноста.

Вака во јавноста се зборува за тоа што и донесе на Србија пратеникот на ЕУ за дијалог, Мирослав Лајчак, кој пристигна „засилен“ од Јенс Плетнер и Емануел Боно, емисари на германскиот канцелар Олаф Шолц и францускиот претседател Емануел Макрон.

За тоа каков ќе биде одговорот на Србија, утре пред пратениците ќе зборува претседателот Вучиќ на посебна седница на Собранието за Косово.

Според оценката на поранешниот министер за надворешни работи и амбасадор Живадин Јовановиќ, евентуалната примена на концептот на две Германии значи дека Србија не би го признала т.н.

Косово, но би требало да се согласи за членство во Обединетите нации и другите меѓународни организации.

„Сметаат на Србија да и подметнат тоа што нема да мора формално, ниту писмено, ниту усно, да ја признае независноста на т.н.

на Косово, но влегувањето на лажната држава во меѓународните организации би значело дека губиме територија. Треба јасно да кажеме дека го браниме интегритетот, Косово како составен дел на Србија со неутрална воена позиција…

Тој прашува каде е таа рамноправност во ЕУ, ако само две од 27-те членки, Франција и Германија, го „силат“ Лајчак.

„Се работи за промовирање на германската геополитика, а Франција е тука само како помал брат, или ‘секундант’ на Германија.Затоа што Германија тука го нема кредибилитетот каков што го има Франција.Но, Макрон тоа пријателство го спростре како мост за експанзија на германската геополитика и ова не е толку чесна улога што Франција во случајов ја игра“, вели Јовановиќ.

Според зборовите на претседателот на Одборот за Косово и Метохија, Милован Дрецун, од Белград ќе се бара „да го прифати постоењето на лажната држава Косово, а во овој момент не се бара директно признавање, бидејќи на сите од Западот им е јасно дека не може да дојде до тоа“.

И тој смета дека во игра е решение како „две Германии“. „Со ова Западот би можел да му се спротивстави на рускиот претседател Путин и да му каже дека нема преседан кога е во прашање Косово, туку дека тоа прашање е веќе затворено. На Белград би му била понудена скратена верзија на Заедницата на српските општини, односно дека се однесува само на четирите на северот, посебна заштита на СПЦ и веројатно забрзување на евроинтеграциите.

 

 

 

 

 

(Извор: Новости)