Американскиот претседател Доналд Трамп го повтори повикот за депортирање на илегалните доселеници откако Едвин Џексон, член на тимот Индијанаполис Колтс, вчера беше убиен во сообраќајна несреќа од пијан илегалец.
„Одвратно е тоа што личност која е илегално во нашата земја го уби Едвин Џексон. Ова е уште една од многуте трагедии кои можеа да бидат спречени.
Мораме да ги натераме демократите да заземат цврст став за границата и за илегалната имиграција, ВЕДНАШ! – напиша Трамп на Твитер.
Несреќата се случила во близина на Индијанаполис, кога Џексон (26) и 54 годишниот таксист Џефри Монро застанеле покрај автопатот, веројатно затоа што на Џексон му се слошило. Во тој миг на нив налетал пикап камион што го возел пијаниот 37-годишен илегалец од Гватемала, кој немал возачка дозвола и по несреќата се обидел да побегне од местото на настанот.
Џексон играше во американската фудбалска лига НФЛ за тимот Аризона Кардиналс од 2015 година, а во 2016 година се приклучил на Индијанаполис Колтс.
Пред овој настан, една од главните теми на приврзаниците на депортирањето на илегалните мигранти беше убиството на 32-годишната Кетрин Стајнли во Сан Франциско во 2015 година, извршено од мексиканскиот државјанин Хозе Инез Гарсија Зарате кој повеќе пати бил протеруван од САД и повторно илегално влегувал во земјата.
