Финска и Шведска официјално поднесоа барање за влез во НАТО во седиштето на Алијансата, со што започна пристапниот процес кој се очекува да трае само неколку недели.
И Шведска и Финска беа неутрални за време на Студената војна, а нивната одлука да се приклучат на НАТО поттикната од руската инвазија на Украина е една од најзначајните промени во безбедносната архитектура на Европа во последните децении.
Таа одлука ја одразува големата промена на јавното мислење во нордискиот регион по руската инвазија на 24 февруари.
As Finland🇫🇮 and Sweden🇸🇪 move towards #NATO membership, read more:
“NATO’s door remains open to any European country in a position to undertake the commitments and obligations of membership, and contribute to security in the Euro-Atlantic area.”
— Baiba Braže (@NATOBrazeB) May 15, 2022
„Ова е историски момент што мораме да го искористиме“, рече генералниот секретар на НАТО Јенс Столтенберг на кратката церемонија на која амбасадорите на Финска и Шведска во НАТО ги доставија своите апликации за членство.
Ратификацијата на сите 30 сојузнички парламенти може да потрае до една година, велат дипломатите.
Турција во последниве денови ги изненади своите сојузници велејќи дека има резерви за финското и шведското членство. Столтенберг во средата изјави дека мисли оти проблемите можат да се решат.
„Решени сме да работиме на сите прашања и да дојдеме до брзи заклучоци“, рече Столтенберг, истакнувајќи ја силната поддршка од сите други сојузници.
