Фондацијата Аполонија ја поттикнува креативноста на децата во хумани цели

Денеска на новогодишниот базар во хотелот „Аполонија“ во Гевгелија се покажа дека за среќа кај децата е потребно малку.

А, детската среќа ги поврзува различните и прави простор за децата со посебни потреби за да се почуствуваат рамноправни со другите.

Од денеска до петок сите ученици од основните училишта во Гевгелија ќе имаат можност да дадат свој придонес во славеничката новогодишна атмосфера во градот, но и на дело да покажат дека се подготвени да подадат рака преку уметнички ракотворби.

Новогодишниот базар кој се одржува десетина години ги поттикнува креативните потенцијали кај учениците, но уште поважно го буди нивниот дух за хуманост.

Тие, како и годините претходно, заедно со своите наставници и родители имаат рачно изработено илјадници новогодишни украси, како честитки, лампиони, подароци…и по симболични цени ги продаваат за потоа собраните пари да се донираат во хумани цели. Оваа година средствата ќе се донираат за децата со посебни потреби и за социјално загрозените.

ljubisa-2

На новогодишниот базар организиран од фондацијата Аполонија освен учениците од две основни училишта во градот, учествуваат и самите деца од Центарот за деца со посебни потреби кои исто така имаат изработено свои новогодишни украси и кои се продаваат на посебен штанд.

И овие деца покажале исклучително ниво на креативност и вештина во изработката на предметите.

Преку оваа активност тие барем за момент ќе се почуствуваат еднакви со другите затоа што нивниот хендикеп не смее да се гледа како недостаток, туку како предност.

За овие три дена се очекува базарот да го посетат околу 500 ученици, нивните родители, но и учителите и наставниците.

ljubisa-3

Сите оние кои имаат хуман дух во Гевгелија ќе можат со купување на новогодишни украси да помогнат на децата со хендикеп, но и на социјално загрозените.

Новогодишната атмосфера ја надополнуваат и волонтерите од Американскиот мировен корупс кои се дел од организицискиот тим на базарот, а со кој фондацијата Аполонија има долгогодишна успешна соработка.

Фондацијата Аполонија, како општествено одговорна, не застанува тука со новогодишните активности.

На 23 декември ќе организираат поетско читање, на 27-ми има концерт со Гордана Неделкова Јосифовска, потоа на 28-ми има традиционална новогодишна детска програма, а на 29-ти декември ќе се одржи и концертот на класата на професорката Љубица Улишева.

Сите овие настани се потврда за значењето на оваа фондација во заедницата.