Хоти: Косово и Србија во Брисел ќе преговараат единствено за меѓусебно признавање

Косовскиот премиер Авдулах Хоти најави дека утре во Брисел ќе започнат преговорите меѓу Косово и Србија за меѓусебно признавање на двете држави, јави дописникот на МИА од Приштина.

Преку обjава на својата страница на Фејсбук, Хоти порача дека договор со Србија ќе се постигне единствено кога тој ќе се заокружи со меѓусебно признавање.

– Нема да има меѓудоговор или парцијален договор кој не го решава проблемот засекогаш. Ќе има само конечен договор за меѓусебно признавање, кој е систематски и во кој ќе бидат адресирани сите прашања кои треба да се решат меѓу две независни држави, врз основа на меѓународните конвенции, стандарди и практики за регулирање на односите меѓу две  независни држави, напиша Хоти.