Индиецот Вјасар Ганесан призна дека не знаел многу околу тоа во што се впушта со аудицијата за индискоамериканското реално шоу „Индиско спојување“ (Indian Matchmaking) од минатото лето, каде што луѓе од повеќе земји имаат љубовни состаноци, но и дебатираат пред камера за современата љубов и договорениот брак.
– Мислам, тешко е на прв состанок, а пред камера – првиот состанок и без тоа е тежок, очигледно, а посебно ако се одржува во вашата дневна соба, полна со членови на семејството, вели Ганесан.
Ганесан не си ја најде својата „друга половина“ за време на снимањето на ТВ-проектот, но вели дека открил многу новости за љубовта, врските и сопствените очекувања притоа.
– Јас сум им навистина благодарен на луѓето со кои излегов. Начинот на којшто сега го гледам сѐ тоа е – имав шанса да пробам нешто ново.
Мислам дека најголемото нешто што треба да се запомни е дека иако не секој Индиец треба да користи стројник, целата поента на овој процес беше – да ја славиме нашата способност за избор, да ја славиме нашата желба и можноста да кажеме да или не, вели Ганесан.
Пред Денот на вљубените в недела, тој открива неколку тајни за тоа – како да се најде љубовта во време на пандемија.
– Состаноците за време на пандемија се незгодни сами по себе, бидејќи сè треба да се одвива преку „Зум“. Тоа е предизвик затоа што треба да се снајдете околу прашањата како на пример: која соба во куќата е најудобна ако треба да седам подолго време; дали ми е пријатно во мојата канцеларија, како и што носам? Тоа самото по себе беше чудно, вели ергенот.
Сепак, тој најпосле призна дека, делумно благодарение и на шоуто, си нашол девојка.
– Тогаш, знаете, една работа води кон друга и некако врската се издигна на потребното ниво. Сега имаме „Зум“ состаноци секоја недела и среда.
Тоа е одлично!, раскажува Ганесан.
