Руската вакцина против Ковид-19, Спутник В е околу 83 отсто ефикасна против делта сојот, што е помал процент отколку што претходно се мислеше, изјави денеска рускиот министер за здравство Михаил Мурашко.
Производителите на вакцини во јуни објавија дека Спутник В е околу 90 проценти ефикасен во однос на делта сојот.
Мурашко, исто така, наведе дека ефикасноста на вакцината Спутник В надминува 95 отсто против тешкиот тек на болеста, за која е потребна хоспитализација, Александар Гинтсбург, директорот на Институтот Гамалеја, каде е развиена вакцината, истакна дека Спутник В е безбедна и ефикасна вакцина против сите познати соеви на корона вирусот.
Според руските власти, зголемениот број во јуни и во јули на новозаболени се должи на делта сојот, како и неподготвеноста на населението да се имунизира и покрај широката достапност на вакцини.
