Градоначалникот на Лондон, Садик Кан, прогласи вонредна состојба затоа што бројот на случаи заразени со корона вирус рапидно расте.
„Многу сум загрижен заради порастот на бројот на заразени и се повеќето приеми во болниците ширум главниот град. Со прогласувањето на вонредната состојба агенциите во Лондон можат подобро да работат заедно. Ги повикувам сите граѓани да се вакцинираат и да ја примат бустер дозата“, напиша Кан на Твитер.
I’m hugely concerned about the surge of COVID-19 cases and rising hospital admissions across the capital. By declaring a Major Incident today, key agencies across London can better work together. I implore every eligible Londoner to get vaccinated and boosted as soon as possible. pic.twitter.com/jUOV6REtIP
— Mayor of London, Sadiq Khan (@MayorofLondon) December 18, 2021
Во Лондон се забележани 26.418 нови случаи на зараза во изминатите 24 часа, што е најголем број во еден ден од почетокот на пандемијата, соопштија од канцеларијата на градоначалникот.
Во изминатите седум дена градот пријави 65.525 случаи и забележа пораст од 29 отсто хоспитализирани пациенти во истиот временски период.
Кан рече дека експертите работат забрзано за да дознаат нешто повеќе за „омикрон“ видот.
Светската здравствена организација објави дека „омикронот“ е присутен во 89 држави и дека веројатно наскоро ќе стане доминантен облик на вирусот.
(Фото: ЕПА)
