Авионот на компанијата „Маратон ерлајнс“, која врши летови за Ер Србија, со 106 патници слета на белградскиот аеродром „Никола Тесла“ со дупка на трупот на авионот и оштетено крило, што се гледа на фотографиите и видеата објавени на социјалните мрежи, пишува Н1 Србија.
Авионот бил оштетен во неделата вечерта при полетување од белградскиот аеродром кога удрил во светлосната сигнализација на крајот од пистата.
Како што неофицијално се дознава, причина за инцидентот е краткото залетување што пилотот го извел при полетувањето, така што немал доволно време порано да се одвои од пистата и да ја избегне светлосната сигнализација.
Во таква состојба, авионот еден час кружел над Белград пред конечно да слета.
Поради истекување на гориво, пожарникарите морале да го прскаат леталото со пена за да спречат пожар. „Ер Србија“ соопшти дека авионот на летот за Дизелдорф е вратен од технички причини, и дека безбедноста на патниците во ниту еден момент не била загрозена.
(Фото: Твитер)
