Турција се искачи на четвртото место на ранг-листата на земји што привлекуваат најмногу туристи. Во 2024 година, земјата ја посетиле 56,7 милиони странци, објави турската државна телевизија ТРТ Хабер, повикувајќи се на податоци од Светската туристичка организација на Обединетите нации.
Во топ пет најпосакувани земји за посета се Франција, Шпанија, САД, Турција и Италија.
Турскиот министерот за култура и туризам Мехмет Нури, исто така, ја коментираше веста на социјалните мрежи, нагласувајќи дека Турција се искачила за едно место на ранг-листата на меѓународната организација.
Според него, овој успех ќе придонесе за презентација на историјата, богатото културно наследство и туристичките можности во секое од четирите годишни времиња. Тој нагласи дека Турција веќе е земја што не само што привлекува внимание, туку е и пример во тој поглед.
Фото: МИА
