Кубанската влада објави дека 32 Кубанци загинале во американската акција за заробување на венецуелскиот претседател Николас Мадуро во Каракас. Куба кажа дека 5 и 6 јануари ќе бидат денови на жалост во чест на загинатите.
Кубанската влада не даде многу детали, освен дека загинатите биле припадници на кубанските вооружени сили и разузнавачки агенции.„Верни на своите одговорности во врска со безбедноста и одбраната, нашите сонародници ја исполнија својата должност со достоинство и херојство и паднаа, по жесток отпор, во директна борба против напаѓачите или како резултат на бомбардирање на објектите“, се вели во соопштението.
Венецуелскиот министер за одбрана Владимир Падрино вчера откри дека во американската воена акција бил убиен голем дел од безбедносниот тим на Мадуро, додека државниот секретар на САД, Марко Рубио, ги обвини кубанските функционери дека имале централна улога во поддршката на владата на Мадуро.
„Неговиот внатрешен безбедносен апарат е целосно контролиран од Кубанци. Него не го чуваа венецуелски телохранители, имаше кубански телохранители. Што се однесува до нивната внатрешна разузнавачка служба, сите тие се Кубанци“, рече Рубио
