Сателитскиот систем „Starlink“ на американската компанија „Space-X“ не се користи за офанзивни мисии, туку исклучиво за одбранбени и цивилни активности, пред два дена изјави директорот на таа компанија, Илон Маск.
„Системите Starshield се во сопственост и под контрола на американската влада и сите ограничувања на брзината или употребата ги одлучува американската војска и, на крајот, претседателот на САД. Starlink е комерцијална услуга и нејзината употреба е ограничена на цивилни или одбранбени активности и не може да се користи за офанзивни воени операции“, напиша Маск на социјалната мрежа X.
Советникот за комуникации на украинскиот претседател, пред два дена Сергеј Бескрестнов, објави дека во текот на ноќта, SpaceX ја ограничил брзината на сателитскиот интернет терминал Starlink, кој го користи украинската војска, на 160 километри на час, што, како што рече, нарушило „голем број операции“.
Малку подоцна, беше објавено дека работната брзина на сателитскиот комуникациски терминал „Starlink“ е намалена на 60 до 70 километри на час, објави Тасс.
„Политико“ на 13 октомври објави дека американскиот претседател Доналд Трамп би можел да ја суспендира поддршката на американските разузнавачки служби за Киев или да изврши притисок врз Маск да ја исклучи интернет-услугата „Старлинк“ на „Спејс Екс“, од која во голема мера зависи украинската војска.
Извор : Данас
