Авионот „Лирџет 60“, кој превезувал девет лица, се урна вчера во станбена област во близина на Крестхевен, во округот Палм Бич, Флорида, објави локалната телевизиска станица CBS12. Сите девет лица загинаа.
Локалните власти објавија дека авионот експлодирал за време на несреќата.
Федералната администрација за воздухопловство соопшти дека авионот полетал од меѓународниот аеродром „Остин-Бергстром“ во Тексас и се упатил кон аеродромот „Северна Елеутера“ на Бахамите.
Според податоците за регистрација, станува збор за авион од типот „Лирџет 60“, регистриран на компанијата „LR60271 LLC“ со седиште во Вилмингтон, Делавер.
Локалните медиуми известуваат дека авионот удрил далновод, а потоа паднал врз населба со монтажни куќи. Една куќа била целосно уништена во пожарот, а на патот останал кратер.
