Индексите на Волстрит го завршија денешното тргување речиси без промени, после сведочењето на поранешниот директор на ФБИ, Џејмс Коми, додека падот на цената на нафтата продолжи.
Додека Дау Џонс (Dau Johnes) и Стандард и пурs 500 (Standard&purs 500) беа едвај во плус, Насдак порасна за 0,4 отсто.
Индексите не реагираа којзнае како на сведочењето на Коми во американскиот Сенат, кој изјави дека претседателот на САД, Доналд Трамп, го сменил за да влијае на неговата истрага за поврзаноста на неговиот изборен штаб со руските власти.
Коми наведе дека Трамп од него барал јавно да објави дека не е предмет на таа истрага и дека тој одбил да го стори тоа.
Поранешниот шеф на ФБИ во сведочењето истакна и тоа дека Трамп во февруари му сугерирал да ја запре истрагата за неговиот поранешен советник за национална безбедност, Мајкл Флин, и дека тој тоа го доживеал „како наредба“.
Коми ја обвини администрацијата на Трамп дека „просто“ ширела „лаги“ за него и за ФБИ после неговата неочекувана смена на 9 мај.
Европската централна банка објави денеска дека нема да ја менува својата програма за стимулација на стопанството и дека нема да ја подигне референтната каматна стапка, после што германскиот индекс ДАКС (DAX) имаше раст од 0,3 отсто, додека францускиот ЦАЦ 40 (CAC 40) беше речиси без промени, но сепак во црвено.
Референтна каматна стапка на ЕЦБ е на историски најниско ниво повеќе од една година и за неа се очекува да остане на сегашното ниво подолг период.
Банката наведе дека нема да отстапи од нејзините зацртани планови според кои таа месечно купува 60 милијарди евра државни и корпоративни обврзници, во настојување да ја подигне инфлацијата на нешто под два отсто. Банката има намера да продолжи со купувањето најмалку до крајот на годината, а и подолго ако биде потребно, наведува Асошиејтед прес.
Во Велика Британија денес се одржуваа парламентарни избори, а британскиот индекс ФТСЕ 100 (FTSE 100) падна за 0,4 отсто.
Азиските индекси го завршија тргувањето главно во плус.
Јапонскиот Никеи 225 (Nikei 225) падна за 0,4 отсто, додека шангаксиот композитен индекс и хонгкошкиот Ханг Сенг пораснаа за 0,3 отсто. Јужнокорејскиот индекс Коспи (Kospi) и сиднејскиот индекс С-П/АСХ 200 (S&P/ASX 200) го завршија денот во плус од 0,2 отсто.
Цените на нафтата продолжија денеска и понатаму да паѓаат, после вчерашниот стрмоглав пад.
Според податоците на Блумберг, цената на референтната американска нафта падна за 0,1 отсто, на 45,7 долари за барел, а нафтата Брент за 0,3 отсто, на 47,9 долари за барел.
