Министерството за здравство денеска именуваше 23 нови директори. Нов директор на Институтот за трансфузиона медицина е Кочо Димитровски, на Клиничката болница во Битола е Зоран Лазаров, на болницата во Кавадарци е Диме Коцев, на велешката болница е Димитар Стровјански, на Универзитетска клиника за дигестивна хирургија – Зоран Караџов, на Клиниката за детски болести е д-р Катерина Ставриќ, Стојан Бајрактаров е на Клиниката за психијатрија, Владимир Рендевски на неврохирургија, а Славе Наумовски на максилофацијална хирургија.
За директор на Заводот за рехабилитација во Скопје е именувана Маја Манолева, со Здравствениот дом во Битола од денес ќе директорува Весна Спировска, а со Здравствен дом Крива Паланка – Бранко Стаменковски. Директор на кратовскиот здравствен дом е именуван Љупчо Бојаџиев, Венцо Вијунов на Здравствен дом Виница, Гоце Неделковски на Здравствен дом Пробиштип, Љубица Митева на Здравствениот дом во Струмица и Дивна Најдовска на битолскиот Завод за слух, говор и глас.
