Бугарското месо е едно од најзагадените со антибиотици во ЕУ. Ова го покажува седмиот годишен извештај на Европската агенција за лекови, објави денеска весникот „Сега“.
Во извештајот се анализира продажбата на антибиотици за животни во 30 европски земји во 2015 година.
Во Бугарија, во еден килограм месо во просек има 121 милиграми антибиотик, што ја става земјата на осмо место на европската листа за широка употреба на антибиотици.
Најмалку медикаменти има во месото од Норвешка, два милиграма во еден килограмн, по што следуваат Исланд и Шведска.
