ВМРО-ДПМНЕ со писмена реакција реагира на изјавата на Зоран Заев за двојазичноста.
„Зоран Заев ја лаже и манипулира јавноста за законот за двојазичност. Прво велеше дека Тиранската Платформа е само во главата на Груевски, а денес кога го изработија законот и е пред донесување, продолжува да ја лаже јавноста дека нема двојазичност на целата територија. Тоа е лага.
Со член 1 став 2 од предлог законот на СДС, вели, цитирам: „Друг јазик што го зборуваат најмалку 20% од граѓаните (албански јазик), исто така, е службен јазик и неговото писмо, согласно овој закон во државата“.
Заев е фатен како ја лаже јавноста. Тој носи целосно неуставен закон и изврши злоупотреба на европското знаменце. Комесарот Хан самиот потврди дека носењето на закон за јазици не е приоритет за Европската Унија.
Зоран Заев со нeуставниот закон за двојазичност врши директно редифинирање на државата. Од друга страна тој предвидува и казни за непримената на законот, а воедно и воведување на двојазични униформи и банкноти.
Зоран Заев во 21 век наместо за економски напредок и подобар живот се фокусира на носење на неуставен закон за двојазичност со кој ги манипулира граѓаните“ се вели во реакцијата на ВМРО-ДПМНЕ.
