Осумгодишно момче од Белгија завршило средно училиште откако програмата предвидена за шестгодишно образование, ја комплетирало само за една година и шест месеци.
Како што пишува Би-би-си, Лоран Симонс, чиј татко е Белгиец и неговата мајка Холанѓанка, има коефициент на интелигенција од 145, што е на ниво на генијалец.
Во изјавата за белгиска радио станица, момчето изјавило дека неговиот омилен предмет е математика, а посебно сака алгебра, статистика и геометрија.
По распустот од два месеца, Лоран планира да се запише на факултет, а првичните желби му се да стане хирург или астронаут, иако во моментов силно се интересира за ИТ технологии.
Таткото на момчето изјавил дека неговиот син имал проблем да си игра со другите деца и дека никогаш не бил заинтересиран за играчки.
МАКФАХ
