„Измислените скандали и лажните наводи на ВМРО-ДПМНЕ нема да го сокријат фактот дека токму оваа партија 11 години ги крадеше граѓаните заради енормно богатење на фамилијата, преку коруптивни зделки, наместени тендери и договорени провизии“, велат од владејачката СДСМ на прозивките од ВМРО-ДПМНЕ.
„ВМРО-ДПМНЕ знаат дека најголемите криминалци се дел од фамилијата којашто изнесе милијарди евра надвор од државата, додека граѓаните тонеа во сиромаштија, но исто така треба да знаат дека парите стекнати на незаконски начин ќе бидат вратени назад во Буџетот, назад кај граѓаните.
Македонија расчистува со криминалот на ВМРО-ДПМНЕ и чекори напред. Од заробена, сиромашна и изолирана држава, денес Македонија е слободна и напредна држава, пријател на демократскиот свет, велат од СДСМ.
