„Апликацијата за испраќање пораки Ватсап од денеска го ограничи до пет бројот на корисници или групи на кои може да им се испрати истата порака, соопшти заменикпретседателката за комуникации на компанијата Викторија Грант.
„Од денеска утврдуваме лимит на пет пораки низ целиот свет, изјави таа. Раководителот за комуникации на Ватсап, Карл Вуг, соопшти дека апликацијата денеска ќе го објави и неопходното надградување.
Тоа ќе биде достапно прво за корисниците на опертаивниот систем „Андорид“, а потоа и на „Ајоес“.
Ватсап лани веќе ја ограничи функцијата за препраќање пораки, кога бројот на луѓе или групи низ целиот свет на кои може да им се испрати истата содржина беше намален од 250 на 20.
Компанијата соопшти дека ораничувањето е со цел да се запре некотролираното ширење гласини, лажни вести, манипулација со фотографии, како и видео и аудио без контекст.
Поради системите за заштита, пораките, фотографиите и видеата испратени преку оваа апликација се недостапни за независна контрола, ниту за самата компанија.
На пример, оваа функција во Индија веќе е ограничена до пет корисници или групи откако имаше повеќе случаи на линчување поради гласините за киднапирање деца кои се проширија преку апликацијата.
Ватсап е во сопственост на социјалната мрежа Фејсбук и апликацијата ја користат околу 1,5 милијарда луѓе.
