На 28.09.2019 околу 06,30 часот во СВР Велес било пријавено дека во с.Горно Оризари, велешко во нивната семејна куќа, по претходна расправија Ј.Х.(30) физички го нападнал својот брат М.Х.(23) нанесувајќи му тешки телесни повреди.
Се преземаат мерки за расчистување на случајот.
На 28/29.09.2019 во периодот од 21,00 до 02,00 часот при вршење на редовни работни задачи, полициски службеници од СВР Охрид на околу 1000 метри од брегот на Охридското езеро, пронашле и одземале две рибарски мрежи со улов од риба.
Се превземаат мерки за расчитување на случајот.
На 28.09.2019 во 23,40 часот во СВР Струмица, Т.А.(50) од Нов Дојран пријавил дека истиот ден околу 20,00 часот во угостителски објект бил физички нападнат неговиот 17 годишен син од С.С. од Дојран.
Се превземаат мерки за расчистување на случајот.
На 28.09.2019 во 11,20 часот во Полициската станица Центар Б.К.(69) од Скопје пријавила дека на улица “Јужен булевар“ била касната од куче скитник во пределот на десната надколеница.
На 28.09.2019 во 15,00 часот во Полициска станица Центар од слобода бил лишен С.К.(24) од Скопје кој истиот ден околу 12,05 часот на ул.„Кеј Димитар Влахов“ физички нападнал полициски службеници. Кај него подоцна бил пронајден и нож.
По целосно документирање на случајот ќе биде поднесен соодветен поднесок.
На 28.09.2019 во 20,20 часот во СВР Скопје било пријавено дека на патот с.Бродец-с.Танушевци товарно моторно возило удрило во службено патничко моторно возило „дачиа дастер“ откако полициски службеници му дале знак за запирање и потоа се одалечило од местото на настанот.
При обидот да го стигнат полициските службеници биле попречени од патничко моторно возило „голф“ со скопски регистарски ознаки, управувано од С.Г.(29) од с.Гошинце кој бил лишен од слобода.
Увид на местото на настанот извршила екипа од СВР Скопје.Се преземаат мерки за расчистување на случајот.
На 29.09.2019 околу 03,50 часот во Полициска станица Аеродром било пријавено дека во близина на угостителски објект на ул. Анастас Митрев, дошло до физичка пресметка помеѓу К.Д.(28), Ф.С(32) и М.З.(34) од една страна и К.А.(30), Н.А(24), А.Д.(38), С.Т.(23) и Н.Ф.(27) од друга страна, сите од Скопје, кои биле под дејство на алкохол.
Причина за физичката пресметка била претходна расправија.
Ф.С. бил пренесен во Комплексот клиники,,Мајка Тереза’’ за укажување на лекарска помош.
Се превземаат мерки за расчистување на случајот.
На 28.09.2019 во 20,00 часот во СВР Скопје, Ѓ.М.(19) од с.Шишево,скопско пријавил дека истиот ден околу 19,00 часот во с.Шишево бил физички нападнат од Г.А. (36) и 16 годишен малолетник и двајцата од с.Шишево,скопско.
Причина за физичкиот напад биле претходни недоразбирања.
Се преземаат мерки за расчистување на случајот.
На 29.09.2019 околу 00,20 часот во Полициска канцеларија Пехчево бил приведен Б.К.(39) од Берово поради предизвикување општа опасност.
Тој пред угостителскиот објект во Пехчево со нож се заканувал кон присутните и истурил течност по инвентарот со намера да предизвика пожар, но бил спречен од полициски службеници.
Увид на местото на настанот извршила екипа од Полициска станица Берово.
Се преземаат мерки за расчистување на случајот.
На 28.09.2019 во 10,20 часот во Полициска станица Центар, М.Р.(27) од Скопје пријавил дека во деловен објект на ул.„Васил Главинов“ едно лице физички го нападнало и му одзело пари.
Се преземаат мерки за расчистување на случајот.
На 28.09.2019 околу 18,30 часот во СВР Скопје, Б.Ѓ. (73) од Скопје пријавил дека на ул.„Руѓер Бошковиќ“ му била извршена разбојничка кражба при што му бил одземен велосипед.
Се преземаат мерки за расчистување на случајот.
