Селекторот на фудбалската репрезентација на Северна Македонија по триумфот синоќа над Словенија (2-1) во Скопје изрази задоволство и гордост од играта, како и од пожртвуваноста на своите фудбалери
„Момците одиграа феноменален натпревар. Се бореа и жртвуваа за националнот дрес, едноставно гинеа на теренот и најпрво сакам да им честитам, а потоа да им кажам дека сум многу горд“, изјави Ангеловски по мечот.
Тој посочи дека сите во тимот веќе се фокусираат кон дуелот со Полска, кој е следен ривал на „црвено жолтите“ во квалификациите.
„Сега ни се зголемија шансите да ја исполниме целта. Концентриран сум само на Полска. Покажавме во Скопје дека можеме да се носиме со нив. Ќе одиме да играме фудбал и да освоиме бод и ако ни се укаже можност и три“, заврши селекторот.
Мечот во Полска се игра во недела, 13 октомври.
