По повод Меѓународниот ден на жената, Осми март, автомобилистичката федерација на Македонија (АФМ) и клубовите членки на АФМ денеска ќе го организираат популарното „Женско рели 2020“.
Како што наведуваат организаторите, свеченото отворање ќе почне во 10 часот, а првиот екипаж ќе почне во 10:30 од Спортскиот центар „Борис Трајковски“ во Скопје.
Учеството за сите екипажи е бесплатно, но ќе учествуваат со сопствено возило.
-Релито ќе се состои од два етапи. Првата етапа е возење по патна книга со зададено максимално време и задолжително поминување на контролни точки низ улиците во Скопје. Втората етапа е брзински испит во вешто возење т.н. гимкана кој ќе се одржи кај Спортскиот центар Борис Трајковски во Скопје, соопшти АФМ.
Според правилникот, учесничките ќе бидат поделени во четири класи во зависност од кубикажата на возилата. За сите учеснички, од АФМ наведуваат дека се предвидени изненадувања и награди од организаторот и покровителите на манифестацијата, а за најдобрите по класи ќе има свечено прогласување во ресторанот Ден и ноќ.
Најавено е учество на десетина возила од Косово.
