Се зајакнуваат меките мерки за да не мора да се заоструваат рестриктивните.
Во тек се подготовки за олабавување на рестрикциите.
Тоа нема да се случи преку ноќ.
За да може да се обезбеди олабавување, мораме претходно сите заедно да си ја обезбедиме заштитата–маска/марама, два метри дистанца,
негрупирање.
Целта не е да се казнува, туку да се обезбеди што е можно пошироко почитување на мерките, од сите, брифираат од Владата.
Задолжително носење маска, марама, шал или било што за да се покријат устата и носот, од среда во Прилеп, Куманово и Тетово.
Целта е да се создадат услови за повеќе движење, а притоа да се гарантира заштитата.
Затоа најпрво ќе се даваат само опомени, дури потоа казни, за што би сакале да нема потреба.
„Ако дојде до изрекување казна, полицијата ќе има обврска да има фотографија со која ќе ја оправда мандатната казна“, дополнуваат од Владата.
Целта е да не се даде можност за казни без покритие.
Во врска со олабавувањето на рестрикциите на територија на цела држава, тоа ќе се одвива во неколку фази.
Се прават планови за да се намали времетраењето на полицискиот час но задолжително сите ќе мора да носиме маски/марами а остануваат и мерките за забрана на групирања и задолжителна дистанца од два метри.
