– Во Велика Британија е зголемена загриженоста поради новиот индиски сој на Ковид-19, кој според истражувањата е за 40 отсто позаразен од претходиот британски вид, изјави британскиот министер за здравство Мет Хенкок.
Ширењето на варијантата Делта, првпат идентификувана во април во Индија сега е доминантна во Велика Британија, поради што најверојатно нема да се укинат дел од рестриктивните мерки во земјата како што беше предвидено на 21 јуни. Британските здравствени власти најавија повеќе детали на 14 јуни.
Хенкок истакна дека со новата опасна мутација се инфицираат главно Британци кои не се вакцинирани. Речиси 50 отсто од населението на Велика Британија (од над 60 милиони) примиле прва доза.
