Скопје, 11 август 2019
Заев и екипата фатени во рекетарскиот октопод се водат од максимата „нишај ја колата да изгледа дека се движи“, а колата е во дефект и целата гори.
Тоа е единственото објаснување на денешниот Фејсбук статус на Зоран Заев.
Единствената инфраструктура која што криминалната власт ја има направено е рекетарската инфраструктура во која дебело се вмешани и Заев, но и Катица Јанева, СЈО, министри, пратеници и функционери на СДСМ. Боки Тредичи самиот признава дека со Заев е зборено за рекетирањето и тој нема да прави проблем со тоа, туку напротив на честите средби договарале менаџирање и конструкции.
За тоа колку Заев и Боки Тредичи биле блиски говорат заедничките фотографии, соработки и поддршки кои заедно си ги давале, а постојат сериозни индиции дека
остварувале и поголем број други неофицијални контакти и средби.
Што договарале Заев и Боки Тредичи сигурно нема да дознаеме од Русковска обвинителството, бидејќи тоа обвинителство од петни жили се обидува случајот да го забошоти за да не се дознае за главата на рекетарско-политичко-обвинителскиот октопод.
Сепак ќе дојде време кога Заев ќе даде одговори, но и ќе понесе одговорност.
Што се однесува до инфраструктурата која е во интерес на граѓаните, нема многу да коментираме, туку ќе посочиме дека Заев се кити само со туѓи перја.
За нивната неспособност да направат нешто друго, освен рекет, криминал и корупција, доволно говори реализацијата на капитални инвестиции до месец јуни која изнесува бедни 20,33%.
Центар за комуникации на ВМРО-ДПМНЕ
