На улиците на Барселона денеска излегоа илјадници луѓе кои протестираа против референдумот за независност на Каталонија.
Големиот протест се одржува една недела по забранетиот референдум, кој беше обележан со брутално полициско насилство над Каталонците кои сакаа да се изјаснат дали се или не се за независност на шпанската покраина.
Под паролата „Доста Да се вразумиме“ собирот го поддржаа неколку политички партии кои се против независноста и неколку влијателни личности, како што се писателот Мариа Варгас Лиос, од перуанска и шпанска националност, добитник на Нобеловата награда за книжевност, кој каталонското тежнеење за независност го нарече „болест“.
Низ Шпанија се протестираше и вчера, но за разлика од тие протести, при кои протестантите носеа бели маици и повикуваа на дијалог, денес улиците на Барселона беа преплавени од луѓе кои носеа шпански, но и каталонски знамиња.
Дел од протестантите скандираа „Не се лажете, Каталонија е Шпанија“ и бараат надлежните да го стават во затвор каталонскиот претседател Карлос Пуидгемонт. Протестот помина мирно и без насилство.
„Заканата за прогласување на независност сакам да се повлече што е можно побрзо затоа што ништо не може да се изгради ако не исчезне заканата за националното единство“, изјави шефот на конзервативната влада, Мариано Рахој, за шпанскиот весник Ел Паис.
Премиерот Рахој вели дека размислува за „драматични мерки“ кои подразбираат суспензија на каталонската автономија, додека во исто време каталонските водачи се закануваат со прогласување на независност во деновите кои следат.
„Ќе спречиме објава на независност. Со потполна сигурност можам да ви кажам дека објава на независност нема да се случи. Ќе ги повлечеме сите потези и ќе ги донесеме сите одлуки потребни тоа да се запре, а кои се во рамки на законот“, истакна Рахој денеска за Ел Паис.
Запрашан дали тоа значи и можност за укинување на укинување на автономијата на Каталонија, тој напомена: „Не исклучувам ниту една опција која не се крши со закон. Но одлуката морам да ја донесам во вистинско време…тоа во овој момент е најважно.“
Патем додава дека идеално сценарио, сепак, би било она во кое шпанските власти не ќе мораат да примеат „драстични мерки“.
„Но, нешто морам јасно да кажам… додека стигнуваат закани за прогласување на независност, ќе биде многу тешко да не се посегне по такви мерки“, заклучи тој.
