Владата на СДС покажа дека го гази правниот систем во оваа држава. Тие на најбрутален начин вршат негово дерогирање и уништување, вели Драган Данев во изјава за медиуми.
Во исто време додека кажуваат лаги за тоа што направиле во сто дена, ние ќе ја прикажеме реалната слика за нивниот учинок.
Прво, ослободија познати криминалци на слобода. Во истиот ден кога викаа дека Бајруш Сејдиу не е ослободен, туку пуштен на лекување, тој се сликаше во ресторан поздравувајќи го Зоран Заев.
На слобода се најде уште еден осуден криминалец Агим Красниќи. Значи дека во оваа држава имаме подвојување, на поддржувачи на СДС за кој не важат законите, и сите останати. Овие луѓе ќе бидат ставени во погон во пресрет на локалните избори.
Владата на СДС најавува закон со кој сака да ги манипулира осудените лица во пресрет на локалните избори. Имаа три месеци да донесат ваков закон и не го ни покренаа прашањето, сега пред изборите најавуваат негово донесување со цел изборна манипулација на оваа категорија граѓани.
Ниту закон ќе донесат до изборите, ниту пак им се битни овие граѓани. Единствено што сакаат е да направат уште една изборна манипулација.
