Европската банка за обнова и развој (ЕБОР) преку кредитна линија од осум милиони евра ќе финансира проекти за енергетска ефикасност во домаќинствата. Домаќинствата ќе можат да аплицираат со барања за инсталирање на прозорци со двојни стакла, енергетски ефикасни бојлери или термална изолација на домовите. Предвидени се и грантови од ЕУ во вредност од 20 отсто од нивната инвестиција во енергетска ефикасност во домот. Со овие средства е предвидено да бидат опфатени 2.500 домаќинства.
„Во Македонија проценките се дека многу мал од домаќинствата имаат имплементирано енергетски ефикански мерки, некаде под 10 проценти и потенцијалот да се подобри енергетската ефикасност е голем“, вели Анка Јоана Јонеску, директор на Канцеларијата на ЕБОР во Скопје
Четири милиони евра од овие средства ќе се пласираат преку кредити од Охридска банка и Шпаркасе банка, а останатите четири милиони евра предвидено е да се пласираат преку други локални банки.
„Да се штеди е длабоко вкоренето во вредносниот систем на секое домаќенство. Меѓутоа штедењето не треба да биде напор, тоа треба да носи бенефит и денеска имаме привлиегија да штедењето на македонските домаќинства во сферата на енергијата да биде поддржано од ЕБРД“, посочи Григор Бишев, претседател на Управен одбор на Шпаркасе банка
Вицепремиерот за економски прашања Кочо Анѓушев кажа дека Македонија планира да ја намали потрошувачката на енергија за 14,3% во наредните неколку години. Посочи дека секое евро инвестирано во енергетска ефикасност штеди 2,2 евра во производство на струја. Ги повтори проектите на Владата во делот на обновливи извори на енергија.
„Домашните резерви на јаглен се на исцрпување. Осломеј три години е споменик, бидејќи нема јаглен. РЕК Битола се повеќе заликува на споменик зашто работи со два од трите блока, а со тек на време ќе работи со еден ако останеме само на домашните резерви на јаглен. Гас немаме, нафта немаме. Единствено имаме можност за обновливи извори на енергија“, изјави Кочо Анѓушев, вицепремиер
Средствата треба да им помогнат на домаќинствата да ги намалат емисиите на гасови и да го подобрат својот животен стандард.
Извор: Алсат
