Денеска завршува обврската за поседување на зимска опрема во возилата. Обврската стапи на сила на 15 ноември минатата година.
Обврската е пропишана во член 361 од Законот за безбедност на сообраќајот на патиштата, каде во став 1 е наведено дека моторните возила и мобилните машини кога учествуваат во сообраќај на пат, во периодот од 15 ноември до 15 март задолжително треба да поседуваат пропишана зимска опрема.
Казните за непоседување зимска опрема изнесуваат 45 евра.
Од Автомотосојузот на Македонија информираат дека сообраќајот на државните патишта се одвива непречено, по претежно влажни коловози, а интензитетот на сообраќај на патните правци надвор од градските средини е умерен. На граничните премини, пак, од македонска страна нема подолги задржувања за влез и излез од државата.
МИА
