Инстаграм „Листaтa на богатите 2019“ се заснова на тоа колку еден инфлуенсер може да наплати и заработи за една објава, како и на просечниот негов број ангажмани и бројот следачи на оваа друштвена мрежа.
Веќе втора година по ред, ѕвездата од реалните шоуа, Кајли Џенер е на врвот на оваа листа, годинава и со поголема заработка. Таа за една објава на Инстаграм во просек наплатува 1,26 милиони долари.
Зад неа е Аријана Гранде со 996.000 долари, додека трет е фудбалерот на Јувентус, Кристијано Роналдо, чиишто објави просечнно вредат по 975.000 долари.
На четврто место е Ким Кардашијан со 910.000 долари. Следуваат поппејачката Селена Гомез (886.000 долари), глумецот Двејн Џонсон „Д Рок“ (882.000 долари) и седма е Бијонсе (785.000 долари).
