Меѓународниот суд на правдата на ОН денеска објави дека судијата Јуџи Ивасава е избран за нов претседател кој ќе го заврши мандатот на поранешниот претседател Наваф Салам, кој истекува на 5 февруари 2027 година.
Минатата недела Салам беше избран од либанскиот парламент за нов премиер на земјата. Тој минатиот месец поднесе оставка од судството.
Јапонецот Ивасава работи во Меѓународниот суд на правдата на ОН од 2018 година, а претходно беше професор по меѓународно право на Универзитетот во Токио и претседател на Комитетот за човекови права на ОН.
Меѓународниот суд на правдата на Обединетите нации во Хаг е највисокото судско тело на Светската организација и е формиран во 1945 година за да ги решава споровите меѓу државите.
