Засадени се 15 веќе подраснати стебла јавори, од видот Acer Campestre, од
контејнерско производство, високи над 4 метри и со обем на стебло од 22 до 26
сантиметри.
– Службите на Општина Центар во текот на вчерашниот ден засадија нови садници на местата на старите, шупливи и болни стебла, кои беа отстранети при реконструкцијата на улицата „Орце Николов“.
Како што информира Општина Центар, засадени се 15 веќе подраснати стебла јавори, од видот Acer Campestre, од контејнерско производство, високи над 4 метри и со обем на стебло од 22 до 26 сантиметри.
– На почетокот на јуни Општина Центар ги отстрани старите и болни дрва поради поплаките од жителите од околината, кои бараа да бидат отстранети затоа што при секое поголемо невреме имаше опасност од нивно паѓање и нанесување штета. Новите дрва во годините што следат повторно ќе го вратат препознатливиот зелен лик на улицата „Орце Николов“, се наведува во соопштението.
Со ова, додаваат општинските власти, Центар става крај на шпекулациите за наводно проширување на коловозот или на објектите на улицата.
– Според проектот за реконструкција на „Орце Николов“, зеленилото на улицата е зголемено за 20 отсто од пред реконструкцијата. Покрај јаворите, во долниот дел ќе се засадат и ниски грмушести садници, кои освен декоративната улога, ќе го следат движењето на улицата, ќе придонесат кон заштитата на животната средина и прочистувањето на воздухот, се додава во соопштението.
