Најновото истражување кое го спроведоа американските научниципокажа дека на банкнотите се наоѓа многу повеќе нечистотија од очекуваните бактерии, вируси и габички.
Резултатите од научната студија, објавени во април, која ја спроведе Универзитетот во Њујорк, покажуваат дека на парите кои се вртат во градот се наоѓаат стотици разни бактерии, пренесува „Дејли меил“.
Тука се салмонела, стафилокока, ешерихија коли и пропионибактериум акнес, односно бактерија која е причинител за настанување на акни, но и многу повеќе од тоа.
Траги на кокаин пронајдени се во 80 отсто од примероците, а забележани се и траги од морфиум, хероин, метамфетамини и аметамини. На листата се наоѓаат и остатоци од храна, ДНК траги од куќни миленици и траги од фекалии.
Иако тешки болести не се пренесуваат често преку пари, научниците се обиделе да пронајдат најдобар начин за чистење на банкнотите меѓу трансакциите.
Излагањето на старите книжни пари на јаглен диоксид на одредени температури и под одреден притисок, доведува до отстранување на мастите и нечистотиите кои стигнуваат до човечките прсти, додека високите температури ги убиваат микробите кои инаку непречено би можеле да опстанат на парите.
Совет на универзитетските истражувачи е после допирањето на банкнотите добро да ги измиете рацете.
