За градоначалник на Тунис за прв пат е избрана жена – Суад Абдерахим, членка на умерено исламистичката партија Енахдха.
Педесет и четиригодишна Абдерахим победи после вториот круг на гласање на членовите на општинскиот совет и така го порази најголемиот ривал Камел Идира од партијата Нида Тунес, која ја основаше претседателот на Тунис.
Одделни медиуми забележуваат дека Абдерахим, поранешен адвокат и активист за правата на жените, не носи вел.
Општинските избори во Тунис се одржаа на 6 мај, но новоизбраните членови на општинските совети дури сега гласаа за градоначалник.
(Фото: АП)
