Трипати пониско од просекот за јули е нивото на реката Сатеска кај Ботун, а преполовени се и нивоата на реките Вардар кај Јегуновце и Велес, Треска кај Македонски Брод, Лепенец кај Скопје, Крива Река кај Крива Паланка, како и на Бабуна кај Богомила.
Според денешните хидролошки мерења, околу просекот се Црна Река кај Новаци, Пчиња кај Катлановска Бања и Вардар кај Скопје.
Зголемени нивоа бележат Брегалница кај Штип и Вардар кај Демир Капија.
Промени на нивоата кај езерата, Охридско, Преспанско и Дојранско, нема.
Сите се во рамки на јулскиот просек.
