Рекордот на Пол Погба од 105 милиони евра, поставен минатата година, хит е само за едно лето. Како што ексклузивно објави мадридска „Марка“, најталентираниот фудбалер на светот Килијан Мбапе (18) вече во јуни ќе стане и најскап, затоа што ги договори сите услови со Реал.
Остана само кралскиот клуб да се договори прецизно со Монако за висината на обештетувањето, но проценката е дека младиот Французин лесно ќе го надмине пет години постариот сонародник од „Олд Трафорд“.
Некој би го купил Килијан за 80 милиони евра? Па, за тие пари може да добие само една негова нога“, Федерико Пасторело, менаџер на Мбапе
На адреса на центарфорот на „кнезовите“ веќе стигнале понуди од ПСЖ, Баерн, Манчестер сити, Манчестер јунајтед …, но на сите им рече – НЕ.
Најпрецизни биле претставниците на „црвените ѓаволи“ кои имале намера да исплатат точно 100 милиони евра.
Сепак, младиот ас сакал само во Реал во чиј камп поминал извесно време кога имал 14 години. Исто така, на ова се надоврзала и желбата на тренерот на кралскиот клуб, Зинедин Зидан, да го доведе во Мадрид, затоа што бил воодушевен од неговиот потенцијал.
Преминот на Мбапе е пред реализација, што значи дека после мала пауза повторно ќе биде остварен еден мега трансфер на Сантјаго Бернабе.
Како што наведува „Марка“, Флорентино Перез цврсто одлучил да потроши многу пари на едно атрактивно име во овој преоден рок, а Французинот е избран пред Еден Азар (Челзи) и Паул Дибала (Јувентус).
Од овие двајца играчи за врска „кралевите“ се откажаа, затоа што Марко Асенсио со одличната игра во финишот на сезоната ги увери сите дека е иднината на клубот.
Мбапе потекнува од спортско семејство. Татко му, Вилфред, бил фудбалски тренер, а мајка му, Фајза, ракометарка.
ТОП 3 трансфери
- Пол Погба (Јувентус-Манчестер јунајтед) 105 милиони евра
- Герет Бејл (Тотенхем-Реал) 101 милион евра
- Кристијано Роналдо (Манчестер јунајтед-Реал) 94 милиони евра
