Состојбата на словачкиот премиер Роберт Фицо по атентатот во средата на 15 мај е сè уште сериозна и ќе биде потребно време за лекувањето да се префрли на рехабилитациониот и реконвалесцентниот дел, изјави словачкиот министер за одбрана Роберт Калињак, наведувајќи нови, мистериозни детали за околностите на нападот на Фицо.
Бидејќи се појавија информации дека по атентатот на Фицо, некој го хакирал профилот на атентаторот Јурај Цинтула (71) на Фејсбук, Калињак вели дека „верзиите на истрагата се прошируваат“.
– Ова е верзијата која вели дека има луѓе или некои поголеми заедници кои може да се поврзани со овој случај – и врз основа на неколку податоци, а не еден, што се случи веднаш по самиот атентат. Мета вели дека неговиот профил бил избришан ден по прес-конференцијата на која е идентификуван сторителот – што е приближно повеќе од 24 часа. Велам дека нешто се случило во меѓувреме и тоа е работа која дополнително се истражува – рече Калињак.
Тој додаде дека би бил „многу среќен“ доколку Мета соработува во ставањето на располагање на органите на прогонот на содржината на профилот што го отстрани.
