Претседателот на СДСМ, Зоран Заев денеска оствари средба со делегација на Босна и Херцеговина предводена од Претседавачот со Претседателството, Младен Иваниќ.
На средбата се разговарало за унапредување на долгогодишната соработка и пријателство меѓу девете земји како и за итноста и важноста од деболкада на демократските процеси во земјата што е интерес и на Македонија и на регионот.
„Оформено е легитимно мнозинство од 67 пратеници во парламентот на Македонија коешто ја одразува волјата на околу 700.0000 граѓани кои на кредибилни и регуларни избори јасно избраа промени, заедништво и економски напредок на државата. Институциите на системот и политичките субјекти во земјава имаат одговорност и се должни да обезбедат мирен трансфер на власта што е врвен државен интерес за граѓаните на Македонија. Граѓаните очекуваат разрешница и стабилизација на политичката состојба и затоа согласно Уставот, законите и Деловникот ќе следува избор на претседател на Собранието и нова реформска Влада.“ рекол Заев.
Иваниќ и Заев констатирале дека стабилноста и мирот во државава се важни и за земјите од регионот и затоа институциите на системот мора да овозможат продолжување на демократските процеси во земјава.
Во духот на пријателските односи било оценето дека добрата соработка и понатаму ќе продолжи да се унапредува, дека двете земји ќе разменуваат позитивни искуства и практики коишто ќе им помогнат да направат исчекор напред во европските интеграции што е од голем интерес и за граѓаните на Македонија и за граѓаните на Босна и Херцеговина.
