Најдобриот српски тенисер Новак Ѓоковиќ на дебитанскиот настап во Истборн дојде до трофејот.
Французинот Жил Монфис ниту во 14 пресметка не успеа да слави против некогаш првиот рекет во светот.
Во одлучувачкиот меч Ѓоковиќ го совлада Монфис со 2:0, по сетови 6:3 и 6:4.
Српскиот тенисер со брејк го отвори финалето, со мала помош на Французинот кој на брејк топка направи двојна сервис грешка.
Лесно, со само еден изгубен поен, Новак го осигура брејкот и поведе со 2:0. Монфис намали на 2:1, а потоа дури и се закани на сервис на Ѓоковиќ, но српскиот ас ја сочува предноста – 3:1.
Во најдолгиот гем од дотогашниот тек на мечот Монфис успеа да го сочува сервисот и да остане на еден брејк заостанување. Иако немаше брејк топка, Новак константно го напаѓаше сервисот на противникот, кој дури четвртата гем топка ја претвори во поен за освојување на петиот гем.
Лесно без изгубен поен Новак го освои шестиот гем од првиот сет. Потоа тој беше на дофат на прилика на сопствен сервис да го реши првиот сет, но пропушти три брејк топки и му остави на Французинот надеж дека може да стаса до пресврт. Ѓоковиќ поведе со 15:40, после тоа имаше уште две прилики втор пат до тогаш да му одземе сервис на Монфис, кој после спасувањето на четири брејк топки ја искористи првата прилика за освојување на гемот – 4:3.
Релативно лесно, со два изгубени поени, Ноле дојде на чекор од освојување на првиот сет.
Како што почна, Србинот така и го заврши првиот сет – со брејк. После изгубениот прв поен во гемот, ги освои следните четири и со втор брејк заврши половина од работата до првиот трофеј во Истборн – 6:3.
Во првиот гем од вториот сет Ѓоковиќ за прв пат се соочи со брејк топка, но успеа да се одбрани и да го освои воведниот гем. Монфис од почетокот на гемот беше агресивен, после 30:30 имаше две брејк топки, но Србинот успеа да го сочува сервисот искористувајќи ја првата гем прилика. Потоа Монфис изедначи, а во третиот гем дури и се закани на сервис на Ѓоковиќ поведувајќи со 0:30, кој ги освои следните четири поени, еден со мала помош на мрежата и поведе со 2:1. Монфис четвртиот гем го освои со само еден изгубен поен и изедначи на 2:2. Потоа Новак повторно поведе, а Жил изедначи. Одличната игра на двајцата тенисери на свои сервиси продолжи. Србинот се стекна со предност од 4:3, а Французинот „му врати“ за 4:4.
Без многу драма Ѓоковиќ го освои деветиот гем од вториот сет, со два изгубени поени, и стигна на чекор да го освои трофејот.
Српскиот тенисер одлучувачкиот гем го освои на сервис на противникот.
