Радев категоричен: „Патот на Македонија кон ЕУ оди преку Бугарија“

„Можам да кажам дека одеднаш станав многу интересен за сите европски лидери. На ден имам покани да разговарам со најмалку двајца премиери, еден претседател и еден
комесар. Има многу внимание кон Бугарија, нема да го кажам зборот притисок“, изјави денеска претседателот на Бугарија, Румен Радев, откако положи цвеќе пред споменикот на Светите браќа Кирил и Методиј во Софија.

Патем, тој додеде дека не треба да се заборави дека Бугарија е членка на Европската унија и тоа значи многу, и дека ќе се обратат до другите членки на Унијата за солидарност.

„Најважно е Бугарија, како одговорна членка, да не дозволи да се внесат многу проблеми во Унијата“, порача Радев.

Бугарскиот претседател уште рече дека европскиот пат на Македонија е преку Софија и дека тоа е патот за решавање на сите проблеми.

Тој истакна дека дека Бугарија ги развива односите меѓу двете земји во духот на доверба, пријателство и добрососедство.