Земјотрес со магнитуда од 5,1 степен според Рихтеровата скала бил регистриран денеска во Нов Зеланд, соопшти Европско-медитеранскиот сеизмолошки центар (EMSC).
Епицентарот на земјотресот се наоѓал на Северниот Остров, на длабочина од 280 километри под површината на Земјата.
Според сеизмолошките податоци, потресот бил регистриран на околу 95 километри од градот Хамилтон.
Засега нема извештаи за повредени лица или за предизвикана материјална штета.
