Ручекот во штипската фабрика Актива бил причина за труењето на дваесетмината работници што пред десетина дена завршија во болница.
Анализите што ги направиле во Центарот за јавно здравје покажале присуство на фекални бактерии.
„Бактериите беа пронајдени во брисевите земени од производителот нахрана и се работи за стафилокоус аурис и други отпорни бактерии кои се наоѓаат во дебелото црево“, изјави Марија Димитрова, раководител на Центар за Јавно здравје Штип
Од Санитарниот инсепкторат велат дека е направена дезинфекција на објектот, а тие собраните докази ќе ги достават до судот по што ќе се одреди висината на казната за фирмата што ја подготвувала храната.
„Ние преземавме се што налага Законот. Го затворивме објектот, наредивме да се изврши дезинфекција, по што земавме и контролни брисеви што излеоа уредни. Затоа ја тргнавме забраната.
„Сега со собраните докази ќе поднесеме пријави до Судот, тој ќе одлучи што и како понатаму“- велат од Државниот санитарен инспекторат.
Ова е прво труење во штипските фабрики, но од Центарот за јавно Здравје велат дека треба да се засилат контролите, но и одговорноста на вработените во фирмите каде се подготвува храна бидејќи во последно време се почести се случаите на масовно труење во државата.
