Во Црна Гора се апсат руски шпиони

LinkSense.mk

Неколку црногорски државјани се уапсени утринава во Подгорица под сомнение дека работеле за руската разузнавачка служба.

Акцијата ја води Агенцијата за национална безбедност, во чија надлежност е ова кривично дело, а е спроведена по наредба на Специјалното државно обвинителство.

Едно од уапсените лица, наводно, повеќе од 10 години работело за руската служба и е дел од поширока група чии членови и се познати на црногорската тајна полиција. Во случајов се работи за државен службеник.

Акцијата спроведена денеска е само почеток на активноста за откривање соработници на странски разузнавачки служби.

Во рамки на споменатата акција се вршат претреси на повеќе локации во Подгорица и околината. Се претресуваат станови и други простории во сопственост на повеќе граѓани. Во нив има сомнение дека се вршени кривични дела шпионажа и создавање криминални организации.

При претресите пронајдени се предмети од интерес за истрагата.

Медиумите информираат дека сето ова е дел од меѓународна акција, а меѓу уапсените има и руски државјани.

 

 

 

 

 

 

(Инфо: „Вријеме“)