Грковска: Долгорочно функционално решение за одговорност од институциите

LinkSense.mk

„Тоа што се договоривме е дека ние ќе градиме системски решенија кои што нема да бидат врзани ниту за личност ниту за политичка гарнитура, туку за долгорочни и издржани системски решенија кои што ќе бидат апликативни. Ако направиме таков систем, тогаш нема да биде важно дали е некој од некоја политичка гарнитура. Секој ќе одговара ако не ги исполнува работните обврски“, подвлече заменик-претседателката на Владата задолжена за политики за добро владеење Славица Грковска, во емисијата Топ Тема на ТВ Телма.

Таа подвлече дека од особена важност е професионалноста на јавната администрација, каде нема да биде важна политичката припадност туку единствено професионалното извршување на обврските.

„Од јавната администрација се очекува чесно, одговорно и ефикасно да си ја врши работата. Многу е важно да сфатат дека се дел од јавна администрација која што треба професионално да си ги врши своите обврски“, посочи заменик-претседателката на Владата задолжена за политики за добро владеење Славица Грковска.