Времето во земјава денеска ќе биде променливо облачно и релативно топло, со појава на утринска магла по одделни котлини.
Ќе дува умерен ветер, кој наместа повремено ќе засилува и ќе биде од јужен правец.
Минималните дневни температури ќе се движат во интервал од 6 до 12 степени, додека максималните ќе достигнат од 17 до 21 степен.
Во Скопје се очекува претежно облачно време, со услови за утринска магла во делови од котлината и умерен јужен ветер. Температурата во главниот град ќе се движи од минимални 8 до максимални 17 степени.
Во наредните денови следува период на променливо облачно време со повремени локални врнежи од дожд со слаб до умерен интензитет и утринска магла по котлините.
За утре, петок, се најавува релативно топло време со температури значително над просекот за овој период од годината и засилен до силен јужен ветер, кој наместа ќе достигнува брзина и над 80 километри на час.
Од сабота, под влијание на продор на постудена воздушна маса од север, температурите ќе бидат во значително опаѓање.
