Експлозија во центар за тестирање на Ковид-19 во Холандија, нема повредени

Пред отворањето на центарот за тестирање на Ковид-19 во Бовенкарспел, град северно од Амстердам, утрово одекна експлозија, но во несреќата нема повредени.

Холандските медиуми јавуваат дека експлозивот бил ставен во метална цевка вон објектот.

Во експлозијата се искршени пет прозорци во центарот. На самото место во тоа време имало чувар, но тој не е повреден.

Полицијата ја опколи областа и спроведува истрага. Засега, се претпоставува дека цел на нападот бил центарот за тестирање.