ЕК ќе купи уште 36 милиони дози од вакцината на Џонсон и Џонсон

„Европската комисија ќе го искористи своето право да набави дополнителни 36,7 милиони дози од вакцината против коронавирус на „Џонсон и Џонсон“, изјави денеска портпаролот на компанијата.

Тој додаде дека во тек се дискусиите во врска со тоа.

Комисијата првиот пат купи 200 милиони дози на вакцината во октомври 2020 година.

Производителот на лекови се обидува да ја исполни својата првична нарачка. На крајот на јуни, компанијата испорача само 14 милиони дози, далеку под договорените 55 милиони во првата половина на годината.

Производството во САД наиде на потешкотии, но компанијата веќе има два погона кои ја произведуваат вакцината во Европа.

Вакцината првпат беше одобрена за употреба во Унијата во март.