Инцидент на аеродромот Никола Тесла во Белград: Авион на „Ер Србија“ удри во возило

Авион на „Ер Србија“ се судри со возило на аеродромот Никола Тесла.

Медиумите јавуваат дека авионот се движел наназад кога дошло до инцидентот.

Во авионот биле патници и тој почнал да се подготвува за полетување.

Нема повредени, ниту е предизвикана поголема материјална штета.

Прес службата на авионот го потврди настанот, а во врска со него издаде соопштение.

„Денес околу 11 часот на платформата на аеродромот „Никола Тесла“ дојде до помал сообраќаен инцидент во кој учествуваа две возила. Причинета е мала материјална штета, нема повредени“, се наведува во писмениот допис до јавноста.

Овој настан не влијаел на редовниот авио-сообраќај, ниту на конфорот на патниците.

Полетувањата и слетувањата се одвиваат по планираниот ред на летање.